Trajnimi dhe Çertifikimi Profesional për Personel Saldimi të Materialeve Plastike PE sipas EN 13067
SHUKOS ka organizuar me sukses trajnimin për saldimin e materialeve plastike, i zhvilluar nga Austrian Institute of Excellence, më 25 – 27 shtator 2024 në Lipjan, Kosovë. Ky trajnim kishte si fokus stafin teknik të Kompanive rajonale të ujësjellësave të Kosovës.
Moduli i Trajnimit: Kursi profesional për saldimin e tubave plastike PE u realizua sipas standardeve të Bashkimit Evropian dhe normave të EN 13067. Pjesëmarrësit, të cilët ishin saldues nga këto kompani, patën mundësinë të përvetësojnë teknikat më moderne të saldimit, nën udhëheqjen e trajnerëve të akredituar nga WIFI Austria.
Certifikimi: Pas përfundimit të trajnimit, pjesëmarrësit do të marrin një çertifikatë WIFI, e cila do të lëshohet nga Trupi Çertifikues WIFI-Linz, në përputhje me standardin EN ISO/IEC 17024. Certifikimi do të jetë i vlefshëm pas kalimit të provimeve dhe testimeve të detajuara në laboratorin e WIFI-t në Austri.
Përfundim: Ky trajnim përbën një hap të rëndësishëm për avancimin profesional të saldatorëve nga kompanitë rajonale të ujësjellësave në Kosovë, duke rritur cilësinë dhe sigurinë në sektorin e infrastrukturës së ujësjellësit. SHUKOS kontribuon në forcimin e kapaciteteve teknike dhe përmirësimin e standardeve të punës, duke i përgatitur pjesëmarrësit për sfidat e ardhshme në tregun e punës. Të gjithë ata do të përfitojnë njohuri dhe aftësi të reja, të cilat do të ndikojnë pozitivisht në zhvillimin e këtij sektori.
