Rreth Shukos-it
Kush është SHUKOS-i
SHUKOS – eshte Asociacioni i Ujësjellësve dhe Kanalizimeve të Kosovës e regjistruar si Asociacion jo i inkorporuar, joprofitabil i anëtarëve dhe themelues të saje te cilet jane Kompanitë Rajonale të Ujësjelleseve te Kosoves – SHA dhe Njësitë Operative, komfor Ligjit Nr. 03/L-134 të Republikës së Kosovës.
SHUKOS ka pasur një rritje mjaft të mirë të aktiviteteve gjatë pesëmbëdhjetë vjeçarit të parë të tij, dhe është sot një institucion shumë i respektuar profesionalisht, si mbrenda Kosoves poashtu dhe jashtë vendit.
Misioni
Qëllimi I SHUKOS-it është të veprojë si një lidhje në mes të anëtarëve të saj për të zhvilluar, promovuar dhe mbrojtur interesat e përbashkëta të sektorit të ujit dhe ujërave të zeza, drejt krijimit të një sektori financiarisht të qëndrueshëm dhe të aftë për të çuar përpara bazat e përgjithshme në fushën e tyre të punës.
Objektivat e Misionit
Mbrojtja e interesave të sektorit të ujit në Kosovë, përmes zhvillimit profesional dhe krijimit të rrjeteve qe të zhvillojë dhe avokoj për interesat e anëtarëve.
- Të jetë Lider në shërbim, Lidershipi të shërbejë si një burim kryesor për dituri;
- Të investoj kohë dhe burime për të ndërtuar vetëdijen dhe për të tërhequr brezat e rinjë për të zhvilluar një karrierë në sektorin e ujit;
- Të jetë një forcë shtytëse për mirëkuptim të ndërsjellë, drejt bashkëpunimit dhe partneriteteve rajonale në Ballkanin Perëndimor dhe më gjerë.
Vizioni për të ardhmen
Të punojmë në forcimin e Kompanive Rajonale dhe të Njësive të tyre Operative, që të jenë të gatshme të sfidojnë me kushtet e reja të veprimit.
Të jenë të afta për të dhënë shërbime të mira dhe kualitative ndaj konsumatorëve, të jenë ekonomikisht dhe politikisht të pavarura dhe të fitojnë besimin e konsumatorëve që i shërbejnë.
Të vazhdojmë bashkëpunimin me të gjithë aktorët relevant në sektorin e ujit.
Vetqëndrueshmëria e anëtarëve të siguroj qëndrueshmërinë e SHUKOS-it.
SHUKOS-i ZË I FUQISHËM I ANËTARËVE TË VET
Anëtarët:
Anëtarë të rregulltë të SHUKOS-it janë të gjitha Kompanitë Rajonale të Ujësjellësave – SHA dhe Njësitë Operative të regjistruar në Republikën e Kosovës në Ligjin Nr. 03/L-087 për Ndërmarrjet Publike dhe Ligjit Nr.2/L-123 “Për Shoqëritë Tregtare” .
Dokumentacioni:
E regjistruar në vitin 2001, si Asociacion joprofitabile në pajtim me Ligjin për Lirinë e Asociimit në Organizatat Joqeveritare të Republikës së Kosovës.
Administrimi:
- Kuvendi I SHukos-it është organi më i lartë në vendim-marrje.
- Kuvendi përbëhet prej anëtarëve primar (themelues) , Ofruesit e Shërbimeve Publike Ujësjellësat dhe Kanalizimeve.
- Kuvendi zgjedhë Bordin e SHUKOS-it, përbehet prej 9 anëtarëve: 7 Kryeshefëve Ekzekutiv të KRU-ve, një përfaqësues i pronarit të ofruesve publik të shërbimeve të ujësjellsit dhe kanalizimit nga Qeveria (MZHE / Njësia për Politika dhe Monitorim) dhe një përfaqësues i Ministrisë Përgjegjëse për Sektorin e Ujit – MMPH / Departamenti i Ujerave
- Zyra e SHUKOS-it përbëhet prej Drejtorit Ekezekutiv, Zv.Drejtorit, Zyrtare për Trajnime dhe Zhvillim Profesional,Asistentës Administrative dhe zyrtares Financiare, Asistentës për Programe dhe Projekte të Donatoreve dhe stafit percjelles , zyra merret me menaxhimin dhe operimin e SHUKOS-it dhe i përgjigjet Bordit të SHUKOS-it.