Blog

SHUKOS ka vazhduar me zhvillimin e trajnimeve profesionale për ndërmarrjet ujësjellëse, me temën: “Kriteret Ligjore, Procedurat dhe Inspektimi për Instalimin e Ujëmatësve”.

Ky trajnim është mbajtur me:

• KRU “Hidromorava” dhe “Bifurkacioni” më 22.05.2025,

• KRU “Gjakova” më 23.05.2025,

• KRU “Hidroregjioni Jugor” më 26.05.2025

Qëllimi kryesor i këtij aktiviteti ishte të pajisen pjesëmarrësit me njohuri themelore dhe praktike mbi:

• Llojet e ujëmatësve,

• Procedurat e instalimit,

• Karakteristikat teknike të ujëmatësve,

• Identifikimi i saktë i diametrit të ujëmatësve.

Këto njohuri janë të nevojshme për përmirësimin e efikasitetit dhe saktësisë në matjen dhe menaxhimin e ujit në sistemet ujësjellëse, në përputhje me kërkesat e Autoritetit Rregullativ për Ujëra (ARRU).

Ky trajnim do të vazhdojë edhe me dy KRU-të të tjera në ditët në vijim, duke synuar rritjen e kapaciteteve profesionale në sektorin e ujit dhe përmirësimin e cilësisë së shërbimeve për konsumatorët përmes menaxhimit më të mirë të matjes së konsumit të ujit.