THIRRJE PËR SHPREHJE TË INTERESIT – EKSPERT PËR ADVOKIM

April 4, 2022 in Activities

Vendi:	Kosovë
Titulli i Projektit	SHUKOS si ofrues i shërbimeve për Zhvillimin e Kapaciteteve për Kompanit Rajonale Ujësjellëse dhe Komunat e Kosovës
Kohëzgjatja e kontratës:	deri në 5 ditë, brenda periudhës 15.04.2022 – 05.05.2022

Shoqata e Ujësjellësave dhe Kanalizimit të Kosovës (SHUKOS) ka marrë financim për një Grant të titulluar “SHUKOS si ofrues i shërbimeve për Zhvillimin e Kapaciteteve për Kompanit Rajonale Ujësjellëse dhe Komunat e Kosovës” në kuadër të projektit Rrjeti Rajonal i Zhvillimit të Kapaciteteve (RCDN) për shërbimet e ujit dhe kanalizimeve në EJL i mandatuar nga Ministria Federale Gjermane për Bashkëpunim dhe Zhvillim Ekonomik (BMZ) dhe Sekretariati Shtetëror Zviceran për Çështje Ekonomike (SECO), dhe është dorëzuar në mënyrë administrative Projektit GIZ “Fondi i Hapur Rajonal për Evropën Juglindore – Modernizimi i Shërbimeve Komunale (ORF MMS)”.

Në kuadër të këtij projekti SHUKOS po kërkon një ekspert i cili do të punojnë ngushtë me Stafin SHUKOS, anëtarët dhe palët e tjera të interesit për të zhvilluar letren e pozicionit mbi temën :

Njohja Institucionale e SHUKOS-it si Ofruesi Kryesor i Trajnimeve në Sektorin e Ujësjellës Kanalizimeve të Kosovës

SHUKOS fton të shprehin interesin e tyre Konsulent / firmë konsulence me përvojë në përputhje me kërkesën e ToR-ve (Termat e Referencës) të cilat mund ti gjeni në vijim. Në mënyrë që të shqyrtohet aplikimi për këtë detyrë, konsulenti / firma e konsulencës duhet të dërgojë propozimin e tij / saj në formën elektronike jo më vonë se 13 Prill 2022, në adresën e-mail info@shukos.org duke mbajtur në kopje (cc) Menaxheren për Trajnim dhe Zhvillim Profesional të SHUKOS, znj.Nadire Vitija: nadirevitija3@gmail.com me temë (subject): Aplikim për Zhvillimin e Letrës së Pozicionit.