Blog

DITA BOTËRORE E UJIT 2020

“UJI DHE NDRYSHIMET KLIMATIKE” – JO FEST POR NDERGJEGJESIM PER PANDEMINE ME TE RE BOTERORE COVID -19

Dita Botërore e Ujit, më 22 Mars , çdo vit, ka të bëjë me përqendrimin e vëmendjes për rëndësinë e ujit në mbarë botën, e cila bazohet në temën e pëcaktuar nga Organizata e Kombeve te Bashkuara.
Për këtë vit , tema e përcaktuar është “Uji dhe Ndryshimet Klimatike”, e cila ka për qëllim të prezantoj se si uji dhe ndryshimet klimatike janë të lidhura me njëra tjetrën dhe kanë impakt të përditshëm në ujin të cilin ne e marrim cdo ditë.

Ndryshimet klimatike janë bërë problem global tashmë, paralajmërimet për efektet e ndryshimeve klimatike kanë filluar me intensitet më të lartë që nga viti 2012-te dhe që nga ky vit bota është duke u përballur me rreziqet të cilat po shkaktohen pikërisht nga ndryshimet klimatike.

Ndërsa popullsia globale po rritet dhe po shtohet edhe kërkesa për ujë, e cila varfëron burimet natyrore dhe dëmton mjedisin në shumë vende.

SHUKOS, shënon Diten Botërore të Ujit (22 Mars-in) që nga viti 2001, krahas motove të përcaktuara nga OKB-ja, duke organizuar një sërë aktivitetesh në koordinim edhe me aktorë të tjerë relevant të sektorit të ujit në Kosovë. Zakonisht të gjitha aktivitetet kanë të bëjnë me grumbullim të njerëzve dhe miqve të ujit po ashtu edhe takimeve ballë për ballë për të diskutuar se si të ndërgjegjsohemi dhe të trajtojmë ujin si asetin më të rëndësishëm të jetës të secilit prej nesh.

Këtë vit, më ndryshe se cdo herë tjetër , kjo ditë na gjenë të distancuar nga njëri tjetri për shkak të pandemisë COVID – 19, të shpallur nga OBSH-ja. Për këtë arsye, SHUKOS ka anuluar të gjitha aktivitetet e saj të cilat kanë qenë të përgatitura për ndere të kësaj dite, duke shpresuar që në një periudhë të shpejt kohore të marrim lajmin e mirë për asgjësimin e këtij virusi, nga të gjitha vendet e prekura dhe të krijojmë ambiente të reja në të cilat do të ngritet vetëdija edhe për ujin dhe ndryshimet klimatike.

Ne si SHUKOS , si cdo herë tjetër edhe në këtë periudhë do të jemi zëri i anëtarëve tanë të cilët përkrah mjekëve, sektorit të sigurisë dhe gazetarisë janë HERONJËT TANË të cilët na furnizojnë 24h në ditë me ujë te pijes dhe e bëjnë të mundur që ne të mbajmë higjenen e duhur e cila po konsiderohet të jetë arma më e fuqishme për të luftuar COVID – 19.

Duke qëndruar në shtëpi, duke u kujdesur në mënyrë të vecant për higjenen personale dhe duke mbajtur distancë me të tjerët në rast të daljeve publike, ne të gjithë do të jemi faktor i rëndësishëm në parandalimin e përhapjes së virusit COVID -19.

ORIENTIMET THEMELORE PËR ZHVILLIMIN E MËTUTJESHËM STRATEGJIK TË SHUKOS-it.

SHUKOS ka mbajtur Workshopin dy ditor (20-21 Shkurt 2020) me temën “ORIENTIMET THEMELORE PËR ZHVILLIMIN E MËTUTJESHËM STRATEGJIK TË SHUKOS-it”.

Workshopi ka pasur për qëllim të shkëmbehen mendime dhe të identifikohen propozimet për elementët kryesorë strategjike që do të merren parasysh për përgatitjen e dokumentit “Plani Strategjik i SHUKOS-it 2020-2025” i cili është mundësuar nga projekti RCDN

Në ditën e pare të takimit prezent ishin stafi dhe anëtarët e bordit të SHUKOS-it, përfaqësues të institucioneve (MMPH, ARRU, KNMU, IKSHP), përfaqësues nga KfW, përfaqësues nga RCDN PIT dhe pjesëmarrës të tjerë nga KRU në Kosovë. Dita e parë kishte për qëllim të bënte një analizë të mjedisit të jashtëm dhe të brendshëm të SHUKOS-it duke e përfunduar takimin me një SWOT analizë.

Ndërsa në ditën e dytë fillimisht u prezantuan të arriturat e ditës së pare të cilat ndihmuan të përcaktoheshin objektivat strategjike në cilat do të duhet të orientohet SHUKOS. Prezent në ditën e dytë ishin anëtarë të bordit SHUKOS, përfaqësues të KRU-ve, përfaqësues nga MMPH si dhe konsulent nga kompani private të cilët ndanë mendimet, sugjerimet dhe pritjet e tyre se cili do të duhet të jetë roli i SHUKOS-it në të ardhmen. I gjithë aktiviteti gjatë dy ditëve të Workshop-it u realizua duke bërë punë grupore dhe individuale.

Në pamundësi për të qenë prezent në takim bashkëpuntorët e SHUKOS-it kontribouan në orientimin strategjik dhe përcaktimin e rolit të SHUKOS-it me letrat e dërguar: SHUKALB (Mrs.Elisabeta Poci), IAWD (Mr.Philip Weller), DORCH/CDI (Mr.Alan Brown).

WORKSHOPI I DYTË I PROJEKTIT MENAXHIMI I INTEGRUAR I ASTEVE

Më 6 dhe 7 Shkurt 2020, në Hotel Hilton Garden Inn në Tiranë, SHUKALB dhe SHUKOS (Shoqata e Ujësjellësve dhe Kanalizimit të Kosovës) organizuan workshopin e dytë të Projektit” Shërbimet Këshillimore për Menaxhimin e Aseteve për Shoqëritë Ujësjellës Kanalizime në Evropën Juglindore (MIA)” për Shoqëritë Ujësjellës Kanalizime në Shqipëri dhe Kosovë

Workshopi u organizua bashkarisht me Deutsche Gesellchaft fur Internationale Zusammenarbeit (GIZ) dhe Hydro-Comp Enterprise HCE, dhe u mbështet nga Ministria e Infrastrukturës dhe Energjisë në Shqipëri, si dhe nga Shoqata Ndërkombëtare e Kompanive Ujësjellës Kanalizime në Zonën e Mbulimit të Lumit Danub (IAWD).

Më 6 shkurt 2020, në të njëjtin vend, para fillimit të workshopit, HUB-i i projektit organizoi takimin e dytë të Komitetit Drejtues.  Gjatë takimit u diskutua mbi ecurinë e zbatimit të Projektit, mësimet e nxjerra dhe propozimet që duhen adresuar në Shqipëri dhe Kosovë, përfshirë Planin e Projektit dhe një përshkrim të shkurtër të fazës së ardhshme (Niveli i Artë).

Qëllimi i workshopit të dytë, i cili filloi pasdite, ishte prezantimi i rezultateve të arritura gjatë fazës së parë (Niveli i Argjendë) të projektit dhe gjithashtu prezantimi i fazës së dytë (NIVELI I ARTË) i projektit tek shoqëritë/kompanitë publike, shoqatat kombëtare të ujit dhe aktorët qëndrorë/lokalë nga Shqipëria dhe Kosova, donatorë dhe institucione financiare ndërkombëtare.

Në workshop morën pjesë përfaqësues nga shoqëritë ujësjellës kanalizime në Shqipëri dhe Kosovë, institucione qeveritare si Ministria e Infrastrukturës dhe Energjisë (MIE) e Shqipërisë, Ministria e Zhvillimit Ekonomik të Kosovës, Agjencia Kombëtare e Ujësjellës-Kanalizimeve dhe Infrastrukturës së Mbetjeve të Shqipërisë (AKUM) , Autoriteti Shtetëror për Informimin Gjeohapësinor (ASIG),  Enti Rregullator i Ujit të Shqipërisë (ERRU), Autoriteti Rregullator i Ujit të Kosovës (ARRU), donatorët dhe institucionet financiare ndërkombëtare si Bashkimi Evropian, Banka Gjermane e Zhvillimit (KfW), Banka Botërore, si dhe palët e tjera të interesit në sektorin e ujit.