PLANI I SIGURISË SË UJIT DHE MENAXHIMI I KRIZAVE – WORKSHOP PËR PËRFAQËSUESIT KOMPANIVE RAJONALE UJËSJELLËSE
Më 24 janar 2025, SHUKOS organizoi me sukses Workshopin “Planin e Sigurisë së Ujit dhe Menaxhimin e Krizave (PSU & MK)”, duke mbledhur përfaqësues nga Kompanitë Rajonale të Ujësjellësit dhe ekspert të fushës. Ky workshop u fokusua në forcimin e kapaciteteve të pjesëmarrësve dhe ndihmoi në zhvillimin e njohurive dhe aftësive të nevojshme për hartimin e planeve të sigurisë dhe menaxhimit të krizave.
Gjatë workshopit, pjesëmarrësit mësuan metodologjinë dhe qasjen e vlerësimit dhe menaxhimit të rreziqeve, me një fokus të veçantë në:
- Monitorimin e masave të kontrollit: Si të sigurohen masat parandaluese për një sistem të qëndrueshëm dhe të sigurt.
- Verifikimin e efektivitetit të PSU-së: Si të matet dhe të vlerësohet sa mirë funksionon plani i sigurisë së ujit.
- Procedurat e menaxhimit: Hapat që duhen ndjekur për të garantuar një menaxhim efikas dhe të shpejtë gjatë krizave.
- Zhvillimin e programeve mbështetëse: Si të krijohen mjete dhe burime që mbështesin zbatimin e planeve të sigurisë.
- Rishikimi i PSU-së: Si të analizohet dhe përmirësohet plani në përputhje me sfidat e reja.
Një pjesë e rëndësishme e workshopit ishte mundësia që pjesëmarrësit të prezantonin planet që kanë hartuar deri tani dhe të merrnin komente dhe këshilla konkrete nga ekspertët, për të përmirësuar ato dhe për t’u përgatitur më mirë për sfidat e ardhshme.
Ky workshop ka qenë një mundësi e shkëlqyer për ndihmuar ndërmarrjet të përparojnë në zhvillimin e planeve të sigurisë së ujit, për t’u siguruar që ato të jenë të gatshme për çdo situatë emergjente. Me një afat të caktuar deri në fund të vitit 2025 për dorëzimin e planeve të sigurisë, kjo ka qenë një mbështetje e rëndësishme që SHUKOS ka ofruar për t’i ndihmuar të gjitha kompanitë të avancojnë në këtë proces dhe të sigurojnë furnizim të sigurt me ujë
